වාහනයක් සේදීමට යාමේදී ඔබ අතින් සිදුවිය හැකි බරපතල අත්වැරදීම් 9ක්
වාහනයක් සෝදා ගන්නවා කියන එක ඕනෑම කෙනෙකුට කරන්න පුළුවන් ඉතාම සරල කටයුත්තක් කියලා ඔබ හිතන්න පුළුවන් ඒත් ඒක ඇත්ත නෙවෙයි වාහන සේදීම කියන්නේ සරල ඒත් ඉහල තාක්ෂනාකූල කටයුත්තක් ඔබත් ඔබගේ වාහනය සෝදාගනනවා නම් මේ කරුණු ඔබට ප්‍රයෝජනවත් වේවී
ගෙදරම වාහනයක් සෝදගන්නකොට මේ වැරදි 9 කවදාවත් කරන්න එපා
1) වාහනය සේදීමට වලං සේදීමට භාවිත කරන ස්පොන්ජ් යොදා ගැනීම.
Kitchen sponge පාවිච්චි කර වාහන සේදුවොත් ඇතිල්ලීමෙන් කුණු දූවිලි තීන්ත ස්ථරය මත තල්ලු වී යාම මගින් වාහනයේ මතුපිට තීන්ත ආලේපනය දරුණු සීරීමකට ලක් කරයි.
Kitchen Sponge වාහන සේදීමට යොදාගන්න එපා.
2)මුළුතැන්ගේ පිරිසිදුකාරක වාහන සේදීමට පාවිච්චි කිරීම
වලං සේදීමට ගන්නා දෙහි ගෙඩි 2ක බලයෙන් යුත් Dish wash ඉතා ඉහල පිරිසිදුකාරක හැකියාවකින් යුක්ත බව සත්‍යයක්, ඒත් මිල අධික වාහනයක් සේදීමට ඒවා භාවිත කිරීම බුද්ධිමත් තීරණයක් නොවේ ඒවා මතුපිට තීන්ත ස්ථරය ඔක්සිකරණයට ලක්කර තීන්ත ස්ථරයේ දීප්තිමත්භාවයද නැතිකර දමයි.
Dish wash වාහන සේදීමට යොදාගන්න එපා.
3)ඇමෝනියා අන්තර්ගත පිරිසිදුකාරක වීදුරු පිසදැමීමට යොදාගැනීම.
වාහනයක් සේදීමේ වඩා වැදගත් එක් අංගයක් වන්නේ පිරිසිදු පැල්ලම් රහිත විනිවිද පෙනෙන පැති වීදුරු හා වින්ස්ක්‍රීනයක් ලබා ගැනීමයි ඒත් glass cleaner තෝරා ගැනීමේදී ඇමෝනියා රහිත එකක් තෝරා ගත යුත්තේ ඇමෝනියා ඔබේ වාහනයේ Dashboard හා upholstery වලට හානිදායක විය හැකි නිසයි
ඇමෝනියා රහිත glass cleaner භාවිත කරන්න.
4) වාහනයේ බද මත ඇති අතිරික්ත කුණු දූවිලි වියලි රෙදි කඩකින් පිසදැමීම
වාහනයක් සේදීමෙන් පසු යම් තැනක් ඔබට මගහැරී තිබුනොත් වියලි රෙදිකඩකින් එම ස්ථානයේ කුණුදූවිලි ඉවත්කර ගැනීම පහසුවක් උනත් එයින් ඔබේ වාහනයේ තීන්ත ස්ථරය සීරෙනවා.
තෙත් පිරිසිදු micofibre cloth වාහනය සේදීමට ඉතා සුදුසුයි
5)අපිරිසිදු රෙදි කැබැල්ලක් වාහන සේදීමට පාවිච්ච් කිරීම
වාහන සේදීමට ගන්නා රෙදි කැබැල්ල අපිරිසිදුයි නම් එහි ඇති කුනු දූවිලි ඔබගේ වාහනයට හානිකරයි රෙදි කැබැල්ල හදිස්සියේ බිමට වැටුනොත් කම්මැලිකමට එයම නැවත නොසෝදා වාහනය සේදීමට පාවිච්චි කලොත් එහි ඇලී ඇති සියුම් වැලිකැට ඔබේ රථයේ බද සූරා දමාවී
ඔබේ රෙදිකඩ බද මත තැබීමට පෙර පිරිසිදු බවට සහතික කර ගන්න
6)රෝද හා ටයර අවසානයට සේදීම
සාමාන්‍යයෙන් වාහනයක් සෝදන්නේ ඉහල සිට පහලටයි ඒ නිසා බොහෝ දෙනෙක් රෝද/ටයර සෝදන්නේ අන්තිමට ඒත් වාහනයක් වැඩිපුරම කුණු දූවිලි රැදිලා තියෙන රෝද අවසානයට හේදුවොත් එහි ඇති මඩ,කුණු නැවත රථයේ බදට විසිවෙන්න පුලුවන්
පලමුව රෝද සෝදන්න.බදට හා රෝද වලට වෙනම රෙදි/සේදුම් සහායක පාවිච්චි කරන්න
.
7)උවමනාවට වඩා වැක්ස් පාවිච්චි කිරීම
වාහනයක් සේදීමෙන් පස්සේ වැක්ස් කර ගත්තොත් දිලිසෙන පෙනුමක් වාහනයට ලැබෙනවා ඒත් නිෂ්පාදනයේ සදහන් ප්‍රමාණයට වඩා වැක්ස් පාවිච්චි කලොත් ඔයාගේ තීන්ත ස්ථරය විනාශ වෙලා ඔයාගේ වාහනයට වෙන්නේ විශාල හානීයක්
Car Waxing සදහා නිවැරදි ක්‍රමවේද පාවිච්චි කරන්න.නැත්නම් වෘත්තීය සහය ලබාගන්න
8)වාහන සේදුම්කාරකය කෙලින්ම වාහනය මත යෙදීම.
සාන්ද්‍ර ද්‍රාවණ ලෙස පවතින වාහන සේදුම්කාරක සාමාන්‍යයෙන් කිහිප ගුණයක් ජලයෙන් තනුක කර පාවිච්චි කල යුතුයි(නිෂ්පාදකයාගේ උපදෙස් පරිදී)සාන්ද්‍ර සේදුම්කාරක කෙලින්ම වාහනයේ බද මත යෙදීම තීන්ත ස්ථරයට හානිකරයි
භාවිතයට පෙර car wash එක (නිශ්පාදනයේ සදහන් පරිදි )තනුක කර ගන්න
9)වාහනය සෝදන අතර දැඩි හිරු රශ්මියට නිරාවරණය කිරීම
දැඩි හිරු රශ්මිය වාහනය සෝදන අතර ජලය ඉක්මනින් වාශ්ප කරන අතර කුණු දූව්ලි වියලීම මගින් වාහනය සීරීමේ අවධානම වැඩිකරයි.
වාහනයක් සේදීමෙදී සෙවන ඇති තැනක් තෝරාගත යුතුයි.ඔබට හිරු ආවරණය වූ ස්ථානයක් නොමැති නම් දහවල් කාලයේ නොව උදෑසන හෝ සවස වාහනය සේදීමට යොදාගන්න.
Chriss Kissell ගේ 9 Big Mistakes you're Likely Making When Washing the Car ඇසුරිනි
