වඩා ඉහල බුද්ධියක් සහ IQ අගයක් සහිතව ඉපදීම සැබවින්ම ආශිර්වාදයකි බොහෝ දෙනෙක් ඉතා අපහසුවෙන් ලබන විභාග හා බුද්ධ්ය මැන බැලීමේ තරග විභාග වලින් ආයාසයකින් තොරව ජයග්‍රහණ ලබා ගැනීමට මොවුන්ට හැකියාව ඇත. ඉහල බුද්ධ්ය හා සිතීමේ හැකියාව නිසා ධනය මොවුන්ට නිරායාසයෙන් ලගා වේ අසාමාන්‍ය හා බුද්ධ්මත් චරිත ලක්ෂණ දරන මොවුන් සමාජයේ කැපී පෙනීමට සමත්ය. සෑම රෝසමලකම කටුඇත්වාක් මෙන් මෙවන් පුද්ගලයකු වේමේ අවාසිද ඇත. පර්යේෂණ මත පදනම් වූ මේ ළිපිය මගින් ඉහල IQ අගයක් ඇති පුද්ගලයන්ගේ චරිත ලක්ෂණ පිලිබදව තවදුරටත් සොයා බලමු.
ඉහළ IQ සහිත පුද්ගලයින්ට අධ්‍යාපනය, වෘත්තිය සහ ඒ අනුව ධනය පිළිබඳ වැඩි සාර්ථකත්වයක් සඳහා වඩා හොඳ අවස්ථාවක් ලැබෙනු ඇත, නමුත් ඔවුන්ව අනෙක් මිනිසුන් නොසලකා හැරීමේ ඉහල නැඹුරුතාවයක් ඇත. ලෝකයේ බුද්ධිමත්ම පුද්ගලයින් කණ්ඩායමක් වන MENSA පිළිබඳ අධ්‍යයනයක දී ඔවුන්ගෙන් 20% කට වඩා වැඩි පිරිසක් මානසික අවපීඩනය වැනි මානසික ආබාධ වලින් පෙළෙන බව පරීක්ෂණාත්මකව තහවුරු වී ඇත
ඉහළ IQ සහිත පුද්ගලයින් මානසික අවපීඩනයට ගොදුරු වීමට හේතුවන බවට පර්‍යේශණාත්මකව තහවුරු කල හේතු කිහිපයක් මෙසේ දැක්විය හැක.
1) ඉහළ IQ සහිත පුද්ගලයන් ඕනෑවට වඩා සිතීමට සහ විශ්ලේෂණය කිරීමට නැඹුරු වේ.
ඉහළ බුද්ධිමතුන්ට බුද්ධිමය සහ මනෝවිද්‍යාත්මක අධික උද්දීපනයක් ඇත (Karpinski, Kinase Kolb, Tetreault & Borowski, 2018). සරලව කිවහොත්, ඔවුන්ට අධික අභ්‍යන්තර සිතුවිලි ඇත (brenbeidge, 2022). තවද ඔවුන්ගේ මනස හරහා වැඩි සිතුවිලි සැකසීමත් සමඟ, ඔවුන් ඕනෑවට වඩා විශ්ලේෂණය කරයි සමහර දේවල් ගැන ඕනෑවට වඩා කනස්සල්ලට පත්වේ. දාර්ශනික ප්‍රශ්න සහ ඒ අනුව, ‘අවිද්‍යාව සතුටයි’ යන කියමන වැනි සාමාන්‍ය පුද්ගලයකු නොසිතන දේවල් ඔවුන් ඉතා ගැඹුරින් සිතා බලයි නිසි සමාජ සහයෝගයක් නොමැති වුවහොත්, ඔවුන්ගේ සිතුවිලි නිසා ඇතිවන කාංසාව, අසරණභාවය සහ මානසික අවපීඩනය සියදිවි හානි කර ගැනීමකට තුඩු දිය හැකි නිමක් නැති ප්‍රශ්න සහ නිෂේධාත්මක සිතුවිලි වල උමඟකින් අවසන් වේ (Seltzer, 2022).
2)ඉහළ IQ සහිත පුද්ගලයන් තමන් ගැන ඕනෑවට වඩා බලාපොරොත්තු තබා ගනී.
මොවුන්ට තමන් සතු ශක්තීන් සහ හැකියාවන් ගැන ගැඹුරු අවබෝධයක් ඇත . ඒ සමඟම, ඔවුන් තමන්ගෙන් බොහෝ දේ බලාපොරොත්තු වේ (Seltzer, 2022). ඔවුන් තමන් ගැන ඉතා දැඩි වන අතර ඔවුන් සාමාන්‍ය ජයග්‍රහණ පිළිගන්නන් හෝ ඒ පිළිබද සෑහීමකට පත්වන්නන් නොවේ (Belludi, 2022). ඔවුන් විසින් සකසා ඇති ඉහල ප්‍රමිතිය සාක්ෂාත් කර ගැනීමට නොහැකි වූ විට ඔවුන් බලාපොරොත්තු සුන්වීමේ චක්‍රයකට ඇද වැටේ.
3)මොවුන් ප්‍රශ්න දෙස බලන්නේ වෙනස් කෝණයකිනි
එනම් සාමාන්‍ය ජන සමාජය නිවැරදි යයි සිතන දේ මොවුන්ට වැරදි ලෙසත්, වැරදි ලෙස දකින දේ නිවැරදි ලෙසත් මොවුන්ගේ බුද්ධිය මොවුන්ට හේතු දක්වයි මොවුන් ප්‍රශ්න දෙස දක්වන මෙම වෙනස් දැක්ම ,සිතුවිලි ,කථා විලාශය හා හැසිරීම බොහෝ එදිරිවාදීන් ඇති කර ගැනීමට හේතු විය හැක
4)ඉහළ IQ සහිත පුද්ගලයන් පහසු සාර්ථකත්වයකට හුරුවී ඇත.
ඉහළ IQ සහිත පුද්ගලයින් පාසල් තුළ පහසුවෙන් කැපී පෙනෙයි. බොහෝ පාසල් දැනුම විභාග මත සහ සංකල්පයමය සහ න්‍යායමය කරුණු මත රඳා පවතින බැවින් ඔවුන් ඔවුන්ගේ සහජ බුද්ධියේ සහයෙන් පහසු සාර්ථකත්වයකට හුරුවී ඇත. කෙසේ වෙතත්, යථාර්ථයේ දී සාර්ථකත්වය තනි තනිව රඳා පවතින්නේ බුද්ධිය මත නොවේ. එය බුද්ධිය, කුසලතා, ප්‍රායෝගිකත්වය සහ නිර්මාණශීලිත්වයේ සම්මිශ්‍රණයකි. ඔවුන් වයසින් වැඩෙන විට පහසු ජයග්‍රහණ වලට හුරු වී ඇති නිසා ඔවුන්ට නොපසුබට උත්සාහයක් නොමැත, එය දිගු කාලීනව ඔවුන්ට අවාසි සහගත ලෙස බලපායි (Seltzer, 2022).
5)ඉහළ IQ සහිත පුද්ගලයින්ට මිතුරන් ඇති කර ගැනීම සහ පවත්වාගෙන යාමේ දුෂ්කරතා ඇත.
මොවුන් තම දැනුමෙන් උඩඟු අය ලෙස අන් අය පහසුවෙන් වරදවා වටහා ගනිති. ඇතැමෙකුට ඔවුන් හා සමාන ලීගයක නොමැති විට හොඳ මිතුරන් වීම අභියෝගයක් විය හැක (Seltzer, 2022). ඉහළ බුද්ධියක් ඇති පුද්ගලයන්ට තමන් ප්‍රකාශ කිරීමට උත්සාහ කරන දේ නැවත නැවත කීවත්, සාමාන්‍ය බුද්ධියකින් යුත් අන් අයට තේරුම් ගැනීමට නොහැකි වූ විට කලකිරීමට පත් විය හැක. දෙපාර්ශවයම සමමුහුර්ත නොවන නිසාත්, එකිනෙකා හොඳින් තේරුම් ගැනීමට නොහැකි නිසාත් සන්නිවේදනය ඉතා දුෂ්කර ය. සියැටල්හි ඉහළ IQ සහිත දරුවන් පිළිබඳ අධ්‍යයනයකින් හෙළි වූයේ ඉහළ IQ සහිත දරුවන් වැඩිහිටි දරුවන් සමඟ මිතුරු වීමට නැඹුරු වන බව හා බුද්ධිමත් වීම ඔවුන්ට ඔවුන්ගේම වයසේ මිතුරන් ඇති කර ගැනීමට බාධාවක් බවයි (Janos, Marwood & Robinson, 1985).
ඉහළ බුද්ධියකින් උපත ලබන අයගේ ජීවිතය සෑම විටම පහසු වනු ඇතැයි උපකල්පනය කිරීම පහසුය. නමුත් යථාර්ථය එයින් බොහෝ දුරස් ය. ඔබ ඉතා බුද්ධිමත් පුද්ගලයෙක් නම් සහ මෙවැනි මානසික ගැටළු සමඟ අරගල කරන්නෙක් නම්, විශ්වාසවන්ත මිතුරෙකු හෝ වෘත්තීමය මානසික උපකාරක සේවයක් අමතන්න. සාමාන්‍ය සමාජයට වඩා වෙනස් වීම පහසු නැත.බොහෝ ගැඹුරු මානසික අවපීඩන හා කාන්සා තත්වයන් ජීවිතය තොර කර ගැනීම එකම විසදුම බවට මොලයට පණිවිඩයක් යැවීමෙන් කෙලවර විය හැක.
බොහෝ දෙනෙකුට මානසික අවපීඩනය ඇතිකිරීමට හා ඒ හේතුවෙන් සිය දිවි හානි කර ගැනීමට ජීවත් වන පරිසරය හා ආශ්‍රය කරන පුද්ගලයන් නිතැතින්ම බලපායි අප ජීවත් වන පරිසරයේ මෙවන් සංවේදී අධි බුද්ධිමත් චරිත ජීවත් වීමට ඉඩ ඇත අප නොදැනුවත්ව කියූ වචනයක් ඔවුන්ගේ ජීවිත ආශාව නැති කිරීමට හේතුවක් විය හැක සමීපමතයකුට මෙවන් තත්වයකට පත්වීමට අවස්ථාවක් ලබා නොදෙන්න සංවේදී වන්න ඇහුම්කන් දෙන්න,අවශ්‍ය පුද්ගලයන්ට මනෝවිද්‍යාත්මක වෘත්තීය සහාය ලබා දීමට කටයුතු කරන්න.
