සෑම පුද්ගලයකුගේම දිනකට හිස්කෙස් 80-90 පමන ගැලවී යයි මෙය එදිනෙදා ජීවිතයේ අතිශය සාමාන්‍ය තත්වයකි නමුත් ඉවත් වන හිස්කෙස් ප්‍රමාණය මීට වැඩිනම් ඊට සමාන ප්‍රමාණයක් නැවත වර්ධනය නොවේ නම් හෝ හිස්කෙස් ප්‍රමාණය අඩුවේ නම් ඔබ හිසකෙස් සම්බන්ධ ගැටලුවකට මුහුණපා ඇත.
හිසකෙස් ගැලවීයාමට හේතුකාරනා රාශියක් ඇත එය ආරය ලෙස හදුන්වන සංකීර්ණ පිලියම් සෙවීම දුෂ්කර ජානමය තත්ව වල සිට සරල හා පහසුවෙන් පිලියම් කල හැකි පෝෂණ ඌණතාවක දක්වා පරාසයක විහිදී ඇත.
පිලියම් සෙවීමට පලමුව උපක්‍රමශීලීව හේතුව සොයාබැලීම වඩාත් වැදගත්‍ වන්නේ මේ නිසාය
පර්යේෂන වලින් සොයාගෙන ඇති ආකාරයට සෑම පුද්ගලයින් 3 දෙනෙකුගෙන් එක් අයකුම ජීවිත කාලය තුල හිසකෙස් අහිමි වීම පිලිබද ගැටළුවට මුහුනපාන බවයි
හිස්කෙස් වැටීමට හේතුවන කාරණා 8ක් හා පිලියම් 5ක්
හිසකෙස් වර්ධන චක්‍රය අදියර තුනක් ඇත:
1)ඇනගන් =වර්ධන අවධිය,
2)කැටජන්= විවේක අවධිය,
3)ටෙලොජන්= හිසකේ ස්වාභාවිකව හැලීයන අවධිය
අපට නොපෙනුනාට අපේ හිස්කබලේ මේ සෑම අවධියකම හිසකෙස් විශාල සංඛ්‍යාවක් ඇත නිරෝගී පුද්ගලයකුගේ ටෙලොජන් අවධියේ හැලීයන සෑම හිසකෙසක් වෙනුවට නව හිසකෙසක ඇනගන් අවදියක් එම රෝම කූපයේ වර්ධනය ආරම්භ කරයි.
අකලට හිසකෙස් වැටීම ජානමය හා ජානමය නොවන ලෙස දෙආකාරවේ
හිස්කෙස් වැටීමට බලපාන ජානමය නොවන හේතු 8ක්
1) හෝමෝන අසමතුලිතතාවය නිසා හිසකේ හැලීයාම
හෝමෝන අසමතුලිතාවය සිත් තැවුලට ලක්කරන විවිධාකාර සෞඛ්‍ය මෙන්ම රූපලාවන්‍ය ගැටලු ඇතිකරයි එය වැඩිහිටියන්ගේ කුරුලෑ ඇතිවීමේ සිට ස්ථුලතාවය දක්වා පරාසයක විහිදේ.ඔබගේ හෝමෝන ශරීරය තුල නිසියාකාරව ක්‍රියා නොකරන්නේ නම් එය මුළු ශරීරයට බලපාන අතර හිසකෙස්වලටද සැලකිය යුතු බලපෑමක් ඇතිකරයි හිසකෙස් වර්ධන චක්‍ර්‍රය ක්‍රියාත්මක කිරීම හෝමෝන වලින් පාලනය වන අතර ඊස්ට්‍රජන් කාන්තා ලිංගික හෝමෝනය හිස්කෙස් හිතකාමී වේ අන්තරාසර්ග ග්‍රන්ථි ආබාධ හේතුවෙන් ඇතිවන අතිරික්ත ඇන්ඩ්‍රෝජන (පිරිමි හෝමෝන) හිස්කෙස් චක්‍රයට හිතකර නොවේ
2) මානසික ආතතිය නිසා හිසකේ හැලීයාම
අධික මානසික ආතතිය හිස්කෙස් වැටීමට හේතුවක් වන බව මිත්‍යාවක් නොවේ ආතතිය මගින් ඩයි හයිඩ්‍රො ටෙස්ටොස්ටෙරෝන් (ඇන්ඩ්‍රෝජන්) මට්ටම වැඩි කරන අතර එය හිස්කෙස් වැටීමට හේතු වේ ඊට අමතරව ආතතිය ආහාර පුරුදු හා ආහාර ජීර්නයට බලපෑම් හා හිස්කබලේ ගැටළු වලට හේතුවන අතර මේ සියල්ල හිස්කෙස් වැටීමට හේතුවනු ඇත
3) යකඩ ඌණතාවය නිසා හිසකේ හැලීයාම
හිස්කෙස් වැටීමට ඇති බහුලව බලපාන හේතුවක් ලෙස යකඩ ඌණතාවය හැදින්විය හැක හිසකෙස් ප්‍රෝටීන නිපදවීමට හා රතු රුධිරාණු වල සංඝටකයක් ලෙස යකඩ ශරීරයට අත්‍යාවශ්‍ය වේ යකඩ ඌනතාවයක් ඇද්දැයි හදුනාගැනීමට රුධිර පරීක්ෂාවක් සිදුකරගැනීමට සිදුවේ
4)තයිරොක්සින් හෝමෝන ඌනතාවය හෝ තයිරොක්සින් අධි නිෂ්පාදනය නිසා හිසකේ හැලීයාම
තයිරොක්සින් හෝමෝනය ශරීරයේ පරිවෘත්තීය ක්‍රියා යාමනය කරන අතර එහි ඕනෑම අසමතුලිතතාවක් (අඩු හෝ වැඩි වීම) ප්‍රෝටීන නිශ්පාදනය ඔක්සිජන් හාවිත පාලනය හා රක්තහීනතාවය ඇතිකිරීමට හේතුවිය හැකි අතර ඒවා රෝම කූප වලටල් අහිතකර ලෙස බලපෑම මගින් හිසකෙස් වැටීමට හේතුවේ
5)විටමින් B12 ඌණතාවය නිසා හිසකේ හැලීයාම
සත්ව ප්‍රෝටීන වල පමනක් ඇති විටමින් B12 ඌණතාවය සත්ව ආහාර වලින් සම්පූර්ණයෙන් වැලකුණු පුද්ගලයන් අතර බහුලව දක්නට ලැබේ මෙය යකඩ මෙන්ම පටක වලට ඔක්සිජන් ගෙනයන රතුරුධිරාණු නිශ්පාදනයට අත්‍යාවශ්‍ය වන අතර හිසකෙස් පටක වලට පෝෂක නොලැබීම හිසකෙස් වැටීමට හේතුවේ
6)එකවර සිදුවන බර අඩු වීමක් නිසා හිසකෙස් හැලී යාම
උත්සහා දැරීමකින් හෝ එසේ නොමැතිව ඔබේ බර සැලකිය යුතු ප්‍රමාණයකින් එකවර අඩු වුවහොත් ඊට හේතුවන පෝෂන ඌනතාවය පෙන්නුම් කරන්නේ ඊට සති 6-12 පසු ඔබේ හිසකෙස් අධික ලෙස හැලීයාම මගින්
7)වයස නිසා හිසකේ හැලීයාම
අපගේ අනෙකුත් ඉන්ද්‍රියන් මෙන්ම අපගේ හිස්කබලද වයසට යාම සිදුවේ ඒනිසා හිසකේ ස්වාභාවිකවම සිනිදුවීමට ලක්වේ මෙය සාමාන්‍ය වයසට යාමේ සංසිද්ධියක් කාන්තාවන්ගේ
ආර්තවහරනය හා සම්බන්ධ ලිංගික හෝමෝන වෙනස්කම්ද මේ කෙරෙහි බලපාන අතර හිස්කේ හැලීයාමට හේතුවේ
8)කෙස් ගස් ඇදීයාම නිසා හිස කෙස් හැලීයාම
මනාලියන් සැරසීම කොන්ඩා මෝස්තර ආදි මගින් හිස්කේ මත අධික බලයක් යෙදීම traction alopacia මගින් රෝම කූප මත අධික ඇදීමකට ලක්වීම මගින් හිස්කෙස් ගැල්වී යාම සිදුවිය හැක මෙය රෝමකූප මත ඇදීම අවම වන ලෙස කොන්ඩා මෝස්තර තෝරාගැනීම මගින් පහසුවෙන් වලක්වාගත හැක
හිසකෙස් වැටීම වලක්වා ගැනීමට පියවර 5 ක්
1)ගැටළුවක් ඇතිබව හා ගැටලුවේ මූලය හදුනාගන්න
හිස කෙස් මත යම් බලපෑමක් (ප්‍රේරණයක්) සිදුවූ අවස්තාවේ සිට හිසකෙස් හැලීයාමට මාස 3ක් පමන ගතවේ.මාස 3කට වඩා හිසකෙස් හැලීයන්නේ නම් හිසකේ හා හිස්කබල පිලිබද විශේෂවේදියකුගෙන් උපදෙස් ලබාගන්න
2) ප්‍රෝටීන හා සංකීර්ණ කාබෝහයිඩ්‍රේට මගින් ඔබේ ආහාර වේලේ ගුණාත්මක බව වැඩි කර ගන්න
හිසකෙස් වල ප්‍රධාන සංඝටකය වන්නේ ප්‍රෝටීනයි ඒ නිසා හිසකේ වර්ධනය සදහා වැඩිපුර ප්‍රෝටීන අත්‍යාවශ්‍යයි දිනකට ලබාගන්නා ආහාරවේල් වලට අවම වශයෙන් ග්‍රෑම් 120 ක් වත් ප්‍රෝටීන අඩංගු කර ගැනීම අත්‍යාවශ්‍යයි මීට අමතරව ධාන්‍ය හා පලතුරු හරහා සංකීර්න කාබෝහයිඩ්‍රේට ආහාරයට එකතු කර ගන්න
3) හිසකේ වලට සුවිශේෂ විටමින ,ඛනිජ ලවණ,ආහාරයට එකතු කරගන්න/හොද පෝෂණ අතිරේකයක් පාවිච්චි කරන්න
අත්‍යාවශ්‍ය නොවන පටකයක් ලෙස හිසකේ වල පෝෂණ අවශ්‍යතා අද්විතීය හා සාමාන්‍ය ආහාරවලින් එම අවශ්‍යතාව සංතෘප්ත කිරීම සීමාකාරී වේ.එමනිසා ගුණාත්මක බවින් ඉහල ආහාර ලබා ගැනීම අත්‍යාවශ්‍ය වේ ඒවායේ
යකඩ
විටමින් C
විටමින් B12
විටමින් D3
තඔ
සින්ක්
සෙලීනියම්
හා
L-ලයිසින්
L-මෙතියොනීන් යන ඇමයිනෝ අම්ල අඩංගුදැයි සොයාබැලිය යුතුය.පෝෂණ අතිරේකයකින් මේවා ලබා ගැනීමට අපේක්ෂා කරන්නේ නම්
වෛද්‍ය උපදෙස් මත පමණක් එය කරන්න.
4),කොණ්ඩා මෝස්තර ගැන බුද්ධිමත්ව සිතා බලන්න
සමහර කොණ්ඩා මෝස්තර ඉතා අලංකාර පෙනුමක් ලබා දුන්නත් එය හිස්කෙස් මත අධික පීඩනයක් ඇතිකරනවා.
හිස්කෙස් හා හිස්කබලේ රෝමකූප වලට හානිකර වන කොණ්ඩා මෝස්තර යෙදීමෙන් වලකින්න
5)කලබලයට පත් වෙන්න එපා
අධික ලෙස හිස්කෙස් හැලීයාම ඔබව අධික බියකට හා අසහනයකට පත් කරන්නක් වෙන්න පුළුවන්. හිසකේ වැටීම වලකන හොද නිෂ්පාදන ඇතත් ප්‍රශ්නයට එකම පිලියම එය නොවේ .පලමුව ඔබගේ මානසික තත්වය යහපත් කරගන්න ගැටළුවට හේතුව සොයාගන්න ඔබේ මානසික හා ශාරීරික සෞඛ්‍ය තත්වය, පෝෂණය, හිසේ හා හිස්කබලේ සෞඛ්‍ය තත්වය යහපත්ව පවත්වා ගැනීම ගැටළුව විසදාගැනීමට අත්‍යාවශ්‍යයි.
අවශ්‍යනම් වෛද්‍යවරයකු හමුවී උපදෙස් ලබාගන්න
-
මහා බ්‍රිතාන්‍යයේ හිසකේ හා හිස්කබල පිලිබද විශේෂඥ වෛද්‍යවරියන් වන(consultant Tricologists) ඇනබෙල් කිංස්ලි හා ෂැරොන් වොන්ග් සමග කල පිලිසදරක් ඇසුරින් වික්ටෝරියා ජොවෙට් හා කීක්ස් රීඩ් විසින් රචනා කල
"This is why your hair is falling out & how to stop it" ඇසුරිනි
