මිනිස්සු සාමාන්‍යයෙන් කරන්නේ එක දෙයක් පටන් අරගෙන තව ටික දවසකින් තවත් දෙයක් පටන් ගන්නව. ඒක කරගෙන යද්දි තවත් කෙනෙක් කරපු දෙයක් සාර්ථක වෙලා තියෙනවා කියල දැකල ඒක පටන්ගන්නව. වැඩිම නව ව්‍යාපාර ආරම්භ වෙන්නේ ශ්‍රී ලංකාවේ ඒවායින් 99.9%ක්ම කෙටි කාලයකින් වැසී යනවා ඇයි ඒ...
හරි දැක්මක්, ඉලක්කයක් නෑ.. අන්න ඒකයි එකින් එකට මාරු වෙන්නෙ.
උපතින්ම සහජ දක්ෂතාවයන් සමගමයි සෑම මිනිසකුම උපදින්නේ මේ සහජ දක්ෂතා එක් ක්ශේත්‍රයකට හෝ කිහිපයකට විහිදෙන්න පුලුවන්
කෙනෙක් ඉතාම අඩු වයසකින් තමන්ගේ සහජ දක්ශතාව හදුනා ගන්නවා තවත් කෙනෙක් මැදිවියේ හෝ මහලු වියේ මෙය හදුනා ගන්නවා
බොහෝ දෙනෙක් ජීවිතය අවසන් වන තුරුම මේ සහජ දක්ශතාව හදුනාගන්නේ නෑ.
ඔබේ ජිවිතයේ අරමුණ කුමක්ද ? ඔබ වඩාත් දක්ෂ කුමටද? ඒ දක්ෂ දෙය පිලිබද ආශාවක් ඔබ දක්වනවාද ?
හොඳින් හිතන්න, ඔබට ගැලපෙනම ක්ෂේත්‍රය නිවැරදිව තෝරාගන්න. ඔයා වැඩියෙන්ම දක්ෂ වගෙම ඔයා ආසම ක්ෂේත්‍රය, එක දිගට කැපවෙන්න පුලුවන් වගෙම කරගෙන යද්දි කම්මැලි කමක් නොදැනෙන, නිදිමතක් නො එන ක්ෂේත්‍රය.
ඉතින් සහජ දක්ශතාවය හදුනා ගන්න බැරි උනොත් ජීවිතේ එතනින් ඉවරද?
නෑ
ඒත් ඔයා මොකකට හරි කැමතියිනේ ඒක අල්ල ගන්න
පොඩි අවාසියක් තිබුනත් හැරෙන්න විදිහක් නෑ කැපවීම 200% දෙන්න
තෝරාගත්තායින් පස්සෙ එක දිගටම කැපවෙන්න.
පුංචියට පටන් අරගෙන හෙමින් හෙමින් ගොඩනගමින් ඉදිරියට යන්න. ඔයා කරන්නේ මොකක්ද කියන එක නෙවෙයි වැදගත් ඒක කරන්නේ කොහොමද කියන එකයි. ඔයා පාර අයිනේ කඩල විකිණුවත් මුලු පලාතෙම තියෙන හොදම කඩල සාධාරණ මිලට ඔයා ගාව තියෙනවා කියන එක සහතික කර ගන්න මුල් කාලයේ ලොකු වෙනසක්, සාර්ථකත්වයක් පේන්නෙ නැති වෙන්න පුලුවන්. සමහර අය විහිළු කරනව වෙන්න පුලුවන්. ඒත් වැඩේ එක දිගටම කරගෙන යන්න. ඔයා දැන් කඩල විකුණන තැනම සුපර් මාර්කට් එකක් දාන්න ඔයාට පුළුවන්.
මොකද ඕනෑම ක්ෂේත්‍රයක යමෙක් කැපවීමෙන් වැඩ කරල පැය 10,000-20,000 ක් සම්පුර්ණ කලාම අනිවාර්‍යයෙන් ඔහු හෝ ඇය එම ක්ෂේත්‍රයේ ප්‍රවීනයෙක් වෙනවා
අන්තිමට ඔයා කරන්නේ රජයේ හෝ පෞද්ගලික ක්ශේත්‍රයක රැකියාවක් හෝ වෙලදාමක්
තව විදිහකට කියනවා නම්,
තව කෙනෙකුට භාණ්ඩයක් හෝ සේවාවක් සපයන එක
ඔබ සපයන්නේ භාණ්ඩයක් හෝ සේවාවක් උනත් ක්ශේත්‍රය කුමක් උනත් output එක ඉස්තරම් වෙන එක පිළිබද සහතික වෙන්න
රැකියාවක් කරනවා නම් හෝ සේවයක් සපයනවා නම් එය ඔබේ උපරිමයෙන් කරන්න ඔබේ සේවාදායකයාට ඔබේ සීමාවෙන් ලබාදිය හැකි උපරිම සාධාරනය කරන්න
ඔබ කරන්නේ වෙලදාමක් හෝ ඔබ සපයන්නේ භාණ්ඩයක් නම් එහි ඉස්තරම් බව පිලිබදව සහතික වෙන්න ගෙවන මිලට ලබාදිය හැකි ඉස්තරම්ම භාණ්ඩය ඇත්තේ ඔබ සතුව බව සහතික කර ගන්න දවසින් දෙකින් දියුණු වෙන්න කෙටි ක්‍රම හොයන්නේ නැතුව අඩු ලාභ වැඩි වෙලදාම තෝරගන්න
ඔබේ ආශාව දිනාගත් ,ඔබට දක්ශතාවය ඇති ඔබට කාලය ශ්‍රමය ධනය වැය කල හැකි එක් ක්ෂේත්‍රයක් තෝරාගන්න, එක දිගට ඒ පිළිබදව කැපවෙන්න, මහන්සි වෙන්න ඒ තුල ප්‍රවීනයෙක් වෙන්න, ඔබ තුල යහපත් ආකල්ප වර්ධනය කරගන්න, සොබා දහමේ නීතියට ගරු කරන්න.
අනිවාර්යයෙන්ම ඔබට සාර්ථක විය හැකියි.
ඩාරියා විලියම්සන්
Success – what matters more, talent or hard work? හා
ස්ටීව් ටොබැක්
5 Skills You Must Develop to Succeed in Business
ඇසුරෙනි
